{"id":69457,"date":"2026-02-03T19:53:03","date_gmt":"2026-02-03T14:23:03","guid":{"rendered":"https:\/\/idronline.org\/article\/%primary_category_article%\/the-long-road-ahead-for-gig-and-platform-workers-in-india\/"},"modified":"2026-02-03T19:53:05","modified_gmt":"2026-02-03T14:23:05","slug":"the-long-road-ahead-for-gig-and-platform-workers-in-india","status":"publish","type":"article","link":"https:\/\/idronline.org\/gu-in\/article\/rights\/the-long-road-ahead-for-gig-and-platform-workers-in-india\/","title":{"rendered":"\u0aad\u0abe\u0ab0\u0aa4\u0aae\u0abe\u0a82 \u0a97\u0abf\u0a97 \u0a85\u0aa8\u0ac7 \u0aaa\u0acd\u0ab2\u0ac7\u0a9f\u0aab\u0acb\u0ab0\u0acd\u0aae \u0a95\u0abe\u0aae\u0aa6\u0abe\u0ab0\u0acb \u0aae\u0abe\u0a9f\u0ac7 \u0ab2\u0abe\u0a82\u0aac\u0acb \u0ab8\u0a82\u0a98\u0ab0\u0acd\u0ab7"},"content":{"rendered":"

ભારતમાં ગિગ અને (ઓનલાઇન) પ્લેટફોર્મ કામદારોની સંખ્યા કૂદકે ને ભૂસકે વધી રહી છે. વર્ષ 2021 માં આ સંખ્યા 77 લાખ હતી જે વધીને વર્ષ 2030 સુધીમાં 2.35 કરોડ<\/a> સુધી પહોચવાનો અંદાજ છે. જોકે, કાર્યબળની આ વૃદ્ધિની સાથોસાથ અન્યાયી શ્રમ પ્રથાઓથી માંડીને શોષણની ચિંતાઓ પણ વધી રહી છે. ગિગ અને પ્લેટફોર્મ કામદારો જે અનેક પડકારોનો સામનો કરે છે તેની પાછળ એક વ્યાપક માળખાકીય સમસ્યા છે: અમને કર્મચારીઓ તરીકે નહીં પરંતુ અમારા ગ્રાહકોને સેવા પૂરી પાડવા માટે પ્લેટફોર્મનો ઉપયોગ કરતા ‘ભાગીદારો\/વપરાશકર્તાઓ’ તરીકે સામેલ કરવામાં આવે છે. પરિણામે અમે પેન્શન, પ્રસૂતિ રજા, આરોગ્ય વીમો અને કામ દરમિયાન અકસ્માતથી મૃત્યુ અથવા ઇજાઓ માટે વળતરની ખાતરી આપતા ભારતના મોટાભાગના ઔપચારિક શ્રમ અધિકારોના દાયરામાંથી બહાર થઈ જઈએ છીએ.<\/p>

તાજેતરમાં ઝારખંડ<\/a>, કર્ણાટક<\/a>, તેલંગાણા અને રાજસ્થાન<\/a> જેવા કેટલાક રાજ્યોએ આ કામદારોને મૂળભૂત અધિકારો મળે તે સુનિશ્ચિત કરવા માટે કાયદાઓ રજૂ કર્યા છે. તેલંગાણા ગિગ એન્ડ પ્લેટફોર્મ વર્કર્સ યુનિયન્સ<\/a> (ટીજીપીડબલ્યુયુ) અને ઇન્ડિયન ફેડરેશન ઓફ એપ-બેઝ્ડ ટ્રાન્સપોર્ટ વર્કર્સ (આઈએફએટી) જેવા – વિવિધ યુનિયનો અને કામદાર સંગઠનો આ કાયદાઓ ઘડવાની પ્રક્રિયા સાથે ગાઢ રીતે સંકળાયેલા છે,  હું તેમાંના ઘણા યુનિયનો અને કામદાર સંગઠનોનો ભાગ છું. નોંધનીય છે કે દેશમાં ગિગ અને પ્લેટફોર્મ વર્ક શરુ થયાના 10 વર્ષથી વધુ સમય પછી આ કાયદાઓ અસ્તિત્વમાં આવ્યા છે.<\/p>

મારા ગૃહરાજ્યમાં આ વર્ષે એપ્રિલમાં એક ડ્રાફ્ટ બિલ – તેલંગાણા ગિગ એન્ડ પ્લેટફોર્મ વર્કર્સ (રજીસ્ટ્રેશન, સોશિયલ સિક્યોરિટી એન્ડ વેલ્ફેર) બિલ, 2025<\/a> રજૂ કરવામાં આવ્યું હતું. તેમાં કામદારો માટે સામાજિક સુરક્ષા અને કલ્યાણ ભંડોળની સ્થાપના, એગ્રીગેટર કંપનીઓ દ્વારા કામદારોને ફરજિયાત ચૂકવણી, ફરિયાદ નિવારણ પ્રણાલીની શરૂઆત અને ગિગ અને પ્લેટફોર્મ વર્કર્સ કલ્યાણ બોર્ડની સ્થાપના જેવી જોગવાઇઓનો સમાવેશ થાય છે.<\/p>

\"What<\/a><\/div>

પરંતુ ભારતમાં આવા કાયદાઓ લાગુ કરવાનો માર્ગ લાંબો અને કઠિન રહ્યો છે, એગ્રીગેટર કંપનીઓ અને સરકાર સાથે વારંવાર વિવાદો અને વિરોધ પ્રદર્શનો થયા છે જેના કારણે ઘણા યુનિયન નેતાઓને જેલની સજા ફટકારવામાં આવી છે.<\/p>

\"\"<\/source><\/source><\/source><\/picture>
ભારતમાં ગિગ અને પ્લેટફોર્મ વર્કફોર્સ (કાર્યબળ) માં વધારાની સાથોસાથ અન્યાયી શ્રમ પ્રથાઓથી માંડીને શોષણની ચિંતાઓ પણ વધી રહી છે. | તસવીર સૌજન્ય: ટીજીપીડબલ્યુયુ<\/figcaption><\/figure>

એગ્રીગેટર કંપનીઓના શરૂઆતના દિવસો<\/h3>

2010 ના દાયકાની શરૂઆતમાં, જ્યારે ઇન્ટરનેટ અને સ્માર્ટફોન લાખો વપરાશકર્તાઓને આકર્ષિત કરી રહ્યા હતા અને બજાર 2008 ની મંદીમાંથી બહાર આવી રહ્યું હતું<\/a> ત્યારે ઓલા અને ઉબર જેવી એગ્રીગેટર કંપનીઓ  ભારતીય બજારમાં પ્રવેશી હતી. હું લાંબા સમયથી ખાનગી ડ્રાઇવર તરીકે કામ કરી રહ્યો છું, અને આ કંપનીઓ આવી એની પહેલાં પણ યુનિયનના કામ સાથે નજીકથી સંકળાયેલો હતો.<\/p>

2013-14 માં આ કંપનીઓ તરફથી આપવામાં આવતા ઉદાર પ્રોત્સાહનોથી<\/a> ઘણા કામદારો આકર્ષાયા હતા; હું પોતે પણ તેમાંનો એક હતો. આ પ્રોત્સાહનો નોંધપાત્ર હતા અને સામાન્ય કામદારોના જીવનમાં પરિવર્તન લાવવાનું વચન આપનારા હતા. તેમાં પ્રતિ કિલોમીટર ખૂબ સારા દરની સાથોસાથ દરેક ચોથી સવારી પર 1,000 રુપિયાના બોનસ, (નવો ડ્રાઇવર લાવવા માટે) 5,000 રુપિયાના રેફરલ બોનસનો સમાવેશ થતો હતો. આ કંપનીઓના ડ્રાઇવરોને 1-1.5 લાખ રુપિયાની આવકનું વચન આપતી જાહેરાતો દરેકેદરેક બસ સ્ટેન્ડ, બિલબોર્ડ અને ટ્રેન સ્ટેશન પર જોઈ શકાતી હતી. આ કંપનીઓ જે સપનું વેચી રહી હતી તેનો પીછો કરવા માટે ઘણા લોકો પોતાનું ખેડૂતો, વાળંદ અથવા દુકાનદાર તરીકેનું કામ છોડીને ગામડાઓમાંથી સ્થળાંતરિત થયા હતા.<\/p>

તો બજારની બીજી તરફ, મફત સવારી અને ભારે ડિસ્કાઉન્ટથી ગ્રાહકોને આકર્ષિત કરવામાં આવ્યા હતા.<\/p>

જેમ જેમ મહિનાઓ વીતતા ગયા તેમ તેમ વધુ ને વધુ ડ્રાઇવરો અને ગ્રાહકો એગ્રીગેટર કંપનીઓના આ પ્લેટફોર્મમાં જોડાયા. અને ત્યારે જ સપનાઓ અચાનક ચકનાચૂર થઈ ગયા. પ્રોત્સાહનો પાછા ખેંચી લેવામાં આવ્યા; ડિસ્કાઉન્ટ્સ બંધ થઈ ગયા. આ કંપનીઓને જે જોઈતું હતું તે બરાબર મળી ગયું હતું: તેમને મોટી સંખ્યામાં ગ્રાહકો અને ડ્રાઇવરો મળી ગયા હતા, અને તેઓ ધીમે ધીમે પરંતુ નિશ્ચિતપણે દેશભરમાં ટેક્સી સેવાઓના પરંપરાગત મોડેલ્સને બદલવાના માર્ગે આગળ વધી રહ્યા હતા.<\/p>

\"donate<\/a><\/div>

ત્યાર પછીના વર્ષોમાં, વધુ ગિગ-વર્ક-આધારિત એગ્રીગેટર કંપનીઓ બજારમાં પ્રવેશી, દરેકેદરેક કંપની પોતાની સાથે સારી આજીવિકાના વચનો લઈને આવી પરંતુ તે વચનો ઝડપથી શ્રમ શોષણમાં ફેરવાઈ ગયા. અહીં નહોતી કોઈ આવક સુરક્ષા, નહોતી કોઈ નિશ્ચિત આવક કે નહોતા પરંપરાગત શ્રમ કાયદા હેઠળ શ્રમિકોને મળવાપાત્ર કોઈપણ લાભો. અપારદર્શક અલ્ગોરિધમ્સ નક્કી કરતી હતી કે કોને કામ મળશે અને એ માટે કેટલી ચૂકવણી થશે. ઘણીવાર કોઈ સ્પષ્ટ કારણ કે સમજૂતી આપ્યા વિના કામદારોના આઈડી કાઢી નાખવામાં આવતા હતા, પરિણામે લોકો તેમની આજીવિકાના એકમાત્ર સ્ત્રોતથી દૂર રહેતા હતા. ડિલિવરી બોય અને ડ્રાઇવરથી માંડીને બ્યુટિશિયન અને મિકેનિક્સ સુધીના દરેક ગિગ અને પ્લેટફોર્મ કામદાર સાથે આવું થઈ રહ્યું હતું.<\/p>

\"\"<\/source><\/source><\/source><\/picture>
વિવિધ પ્રકારના કામદારોના અધિકારો માટે લડતા સમગ્ર તેલંગાણાના નાના યુનિયનો એક થયા હતા. | તસવીર સૌજન્ય: ટીજીપીડબલ્યુયુ<\/figcaption><\/figure>

અમારે સામૂહિક શક્તિનું નિર્માણ કરવાની જરૂર શા માટે હતી<\/h3>

આ સમયે અમને સમજાયું કે રાજ્યભરના બહુવિધ, વિભાજિત યુનિયનો અને હિમાયતી જૂથોએ એકજૂટ થઈને કામદારોના અધિકારો માટે લડવું પડશે.<\/p>

એકલા અવાજોને દબાવી શકાય છે, પરંતુ સમૂહના અવાજને અવગણવાનું મુશ્કેલ છે. વિવિધ પ્રકારના કામદારોના અધિકારો માટે લડતા સમગ્ર તેલંગાણાના નાના યુનિયનો એક થયા. અમારા અનુભવે અમને રાજસ્થાન અને કર્ણાટકમાં (ગિગ કામદારોના અધિકારોને આવરી લેતા) કાયદાઓની હિમાયત કરતા જૂથોની સલાહ લેવા પ્રેર્યા, એ બંને રાજ્યોમાં તે સમયે કોંગ્રેસની સરકાર હતી. રાષ્ટ્રીય સ્તરે આઇએફએટી ગિગ અને પ્લેટફોર્મ કામદારો માટે સમાન વર્તન, કામ કરવાની સલામત પરિસ્થિતિઓ અને વાજબી વેતનના અધિકારોની હિમાયત કરતી અગ્રણી સંસ્થાઓમાંની એક તરીકે ઊભરી રહી હતી.<\/p>

યુનિયનોએ એગ્રીગેટર કંપનીઓ સામે વિરોધ કરવાનું શરૂ કર્યું<\/a> અને કામ કરવાની સારી પરિસ્થિતિઓની માંગ કરી. અમને શ્રમ મંત્રાલય, પરિવહન મંત્રાલય કે આઇટી મંત્રાલય તરફથી કોઈ સમર્થન મળ્યું નહીં. જ્યારે પણ અમે શ્રમ મંત્રાલયનો સંપર્ક સાધતા ત્યારે તેઓ અમને કહેતા કે અમારો એગ્રીગેટર્સ સાથેનો સંબંધ ‘ભાગીદાર’ તરીકેનો છે, અને અમે કર્મચારી નથી. તેથી, ગિગ અને પ્લેટફોર્મ વર્ક શ્રમ કાયદાના અધિકારક્ષેત્રની બહાર હતું.<\/p>

છતાં અમે વિરોધ કરવાનું ચાલુ રાખ્યું. ઘણી વાર ઓલાએ અમારી વિરુદ્ધ પોલીસ ફરિયાદો નોંધાવી અને આ આરોપોના સંબંધમાં મારે બે-ચાર વાર જેલમાં પણ જવું પડ્યું.<\/p>

\n

એક તરફ એગ્રીગેટર કંપનીઓ પીએમ-કેર્સ ફંડમાં ઉદાર હાથે રકમ મોકલી રહી હતી તો બીજી તરફ કોઈ જ રાહત ન મળતા હજારો ડ્રાઇવરો અને કામદારોએ જીવ ગુમાવ્યા.<\/p>\n<\/blockquote>

2020 માં કોવિડ-19 મહામારી દરમિયાન પરિસ્થિતિ વધુ વણસી. ઘણી કંપનીઓએ અમને ઓછા દરે વાહન ચલાવવા અને ડિલિવરી કરવાનું (માલ પહોંચાડવાનું) ચાલુ રાખવા કહ્યું. ગિગ અને પ્લેટફોર્મ કામદારો કોવિડ-19 ના સૌથી વધુ સંપર્કમાં આવ્યા હતા<\/a> અને તેઓ અવારનવાર દર્દીઓનું પરિવહન કરતા હતા. એગ્રીગેટર કંપનીઓ પીએમ-કેર<\/a> ફંડમાં (જેમાં મહામારીના પહેલા વર્ષમાં 900 કરોડ રુપિયા<\/a>થી વધુ એકઠા થયા હતા તેમાં) ઉદાર હાથે રકમ મોકલી રહી હતી ત્યારે – વારંવાર વાયરસના સંપર્કમાં આવતા – ડ્રાઇવરો અને કામદારો કોઈ જ રાહત ન મળતા હજારોની સંખ્યામાં મૃત્યુ પામ્યા હતા. તેમના કામના પ્રકારને કારણે રોગચાળા દરમિયાન મૃત્યુ પામેલા કામદારોની અંદાજિત સંખ્યા પણ અમારી પાસે નથી.<\/p>

આખરે અમે આનો વિરોધ કરવાનું શરૂ કર્યું, અને અંતે અમને યોગ્ય PPE કિટ અને કઠોળ અને ઘઉંનું થોડુંઘણું રાશન આપવામાં આવ્યું.<\/p>

મહામારીની બીજી લહેર દરમિયાન ઓલાએ તેના ગ્રાહકો પાસેથી દાન માગવાનું શરૂ કર્યું<\/a> એમ કહીને કે એ <\/a>પૈસા તે પછીથી તેના ડ્રાઇવરોને ટ્રાન્સફર કરશે. પરંતુ ગ્રાહકોને ખબર નહોતી કે ઓલા આ પૈસા અમને લોન તરીકે આપી રહી છે, જે અમારે 30-60 દિવસમાં પાછા ચૂકવવાના રહેતા. ઓલા પાસે કાર-લીઝિંગ યોજના પણ હતી જેમાં ડ્રાઇવરો કંપની પાસેથી વાહનો લેતા અને ભાડા તરીકે રોજના 1,100 રુપિયા ચૂકવતા. કરાર એવો હતો કે ત્રણ વર્ષ પછી કાર તેમની (ડ્રાઇવરોની) થઈ જશે. ઘણા લોકો આ મુદત પૂરી કરવાની નજીક હતા ત્યારે ઓલાએ સેનિટાઇઝેશનના બહાને કાર પાછી મંગાવી, અને પછી એ વેચી દીધી. સમગ્ર દેશમાં આવું બન્યું.<\/p>

કામદારોને કોઈ રાહત આપવાની વાત તો દૂર રહી, એગ્રીગેટર્સે તેમની મુશ્કેલીઓને વધુ ગંભીર બનાવી દીધી. અને સરકારના કોઈપણ સમર્થન વિના, વિરોધ કરવો એ અમારી પાસેનો એકમાત્ર ઉપાય હતો.<\/p>

મહામારી સમાપ્ત થઈ ત્યાં સુધીમાં અમે માંડ આંગળીને વેઢે ગણી શકાય એટલા ફેરફારો કરાવવામાં સફળ રહ્યા હતા. અગાઉ કામદારોને સાપ્તાહિક ચૂકવણી થતી હતી, જે પછીથી 24 કલાકની અંદર થતી ચૂકવણીમાં ફેરવવામાં આવી. અમે એસયુવી માટે કર માફીની સાથે, રાઈડ સ્વીકારતા પહેલા ગ્રાહકના ડ્રોપ લોકેશન જાણવાના અમારા અધિકારની પણ હિમાયત કરી.<\/p>

\n

માર્ચ 2024 માં ઝોમેટોએ શાકાહારી અને માંસાહારી ખોરાકની ડિલિવરી માટે અલગ-અલગ ગણવેશ સાથેના અલગ કાફલાની જાહેરાત કરી – હાંસિયામાં ધકેલાઈ ગયેલા ધર્મો અને જાતિના કામદારોને જોખમમાં મૂકવા બદલ આ પગલાની વ્યાપકપણે ટીકા થઈ હતી<\/p>\n<\/blockquote>

આ વિરોધ પ્રદર્શનો માટે કામદારોને સંગઠિત કરવા માટે વોટ્સએપ અને સોશિયલ મીડિયા અમારા મુખ્ય માધ્યમ બન્યા.<\/p>

ઉદાહરણ તરીકે, માંસના વપરાશને લઈને વધતી હિંસા અને ભેદ વચ્ચે માર્ચ 2024 માં ઝોમેટોએ શાકાહારી અને માંસાહારી ખોરાકની ડિલિવરી માટે અલગ-અલગ ગણવેશ સાથેના અલગ કાફલાની જાહેરાત કરી – હાંસિયામાં ધકેલાઈ ગયેલા ધર્મો અને જાતિના કામદારોને જોખમમાં<\/a> મૂકવા બદલ આ પગલાની વ્યાપક ટીકા થઈ. યુનિયનો સોશિયલ મીડિયા દ્વારા ઝડપથી સક્રિય થયા<\/a>, આ નીતિ બદલવા માટે ઝોમેટો પર દબાણ લાવવા આમ જનતા, કાર્યકરો અને કામદારોને સફળતાપૂર્વક એકત્ર કર્યા.<\/p>

\"\"<\/source><\/source><\/source><\/picture>
સાંભળવું એ એક વાત છે, તેને અમલમાં મૂકવું એ બીજી વાત છે – તેના માટે તમારે અસરકારક સાધનોની જરૂર પડે છે. | ચિત્ર સૌજન્ય: ટીજીપીડબલ્યુયુ<\/figcaption><\/figure>

કાયદા બનાવવાનો લાંબો રસ્તો<\/h3>

અમારા હિમાયતી કામમાં એક સૌથી મોટો પડકાર એ છે કે શક્તિશાળી એગ્રીગેટર કંપનીઓના દબાણને કારણે સરકાર ઘણીવાર અમારી માગણીઓ પૂરી કરતા અચકાય છે. રાજસ્થાન, કર્ણાટક અને હવે તેલંગાણામાં કાયદો ઘડવાની પ્રક્રિયામાં ખેંચતાણ જોવા મળી છે.<\/p>

ઘણા યુનિયનો અને નાગરિક સમાજ સંગઠનોના સમર્થનથી રાજસ્થાનમાં પહેલો કાયદો તૈયાર કરવામાં આવ્યો હતો. તે મુસદ્દા સુધીની સફર લાંબી અને મહેનત માગી લેનારી  હતી. કોંગ્રેસ સરકારનો ટેકો મળ્યા પછી અમારું પહેલું કામ અમે જે સમસ્યાઓ ઉકેલવા માગતા હતા એને ઓળખી કાઢવાનું હતું. ડિલિવરી કામદારોની તેમની પોતાની સમસ્યાઓ હતી, ડ્રાઇવરોની તેમની પોતાની સમસ્યાઓ હતી. અર્બન કંપની અને તેના જેવા પ્લેટફોર્મના મહિલા કામદારોની ગ્રાહકો દ્વારા જાતિગત સતામણી<\/a> સામે રક્ષણ અને શૌચાલયનો ઉપયોગ કરવાના અધિકાર સહિતની બીજી સાવ અલગ સમસ્યાઓ હતી. અમે કામદારોના વ્યક્તિગત કેસ પ્રોફાઇલ બનાવ્યા, તેમની વાર્તાઓનો અભ્યાસ કર્યો અને તેમની સામાન્ય સમસ્યાઓ ઓળખી કાઢી. બધી માહિતી એક જગ્યાએ એકસાથે લાવવામાં આવી, સામાન્ય સમસ્યાઓ તરફ ખાસ ધ્યાન દોરવામાં આવ્યું, અને ચોક્કસ સમસ્યાઓની અલગથી તપાસ કરવામાં આવી. આ સમગ્ર પ્રક્રિયામાં અમારે નાસકોમ<\/a> અને સીઆઈઆઈ<\/a> જેવા ઔદ્યોગિક સંગઠનો તરફથી ભારે વિરોધનો સામનો કરવો પડ્યો.<\/p>

પરંતુ આખરે રાજસ્થાનમાં કામદારોને સામાજિક સુરક્ષા, એક ફરિયાદ નિવારણ પ્રણાલી અને વીમો પૂરો પાડતો કાયદો પસાર કરવામાં આવ્યો. રાષ્ટ્રીય નીતિમાં અમે એક બીજી મોટી જીત હાંસલ કરવામાં સફળ રહ્યા. (ગિગ અને પ્લેટફોર્મ કામદારની કાનૂની વ્યાખ્યા પૂરી પાડતો) કોડ ઓન સોશિયલ સિક્યોરિટી<\/a> – સામાજિક સુરક્ષા સંહિતા – 2020 માં પસાર થયો હોવા છતાં પાંચ વર્ષ પછી પણ કેન્દ્ર સરકાર દ્વારા કામદારોને ઈ-શ્રમ પોર્ટલ સાથે જોડવામાં આવ્યા નહોતા. અમે ગિગ અને પ્લેટફોર્મ કામદારોને સમાવવા માટે દબાણ કર્યું<\/a>, અને તેને ઈ-શ્રમ 2.0 નામ આપ્યું.<\/p>

કર્ણાટક અને તેલંગાણામાં ઘડવામાં આવેલા કાયદાઓ પણ કામદારોના વેતન અને સામાજિક સુરક્ષા પર ધ્યાન કેન્દ્રિત કરે છે. દરેક રાજ્યમાં ઘડાયેલા કાયદાઓ જે તે રાજ્યની સમસ્યાઓ અને રાજ્યની પાસે ઉપલબ્ધ સંસાધનો ધ્યાનમાં લે એ જરૂરી છે. અમે સંપૂર્ણ સામાજિક સુરક્ષા સુનિશ્ચિત કરવાનું લક્ષ્ય રાખવા માગીએ છીએ. અને એકવાર અમારી પાસે એ આવી જાય એ પછી અમારું આગળનું પગલું આ એગ્રીગેટર્સને કામદારોને કોઈપણ પ્રકારના લાભ આપવાનું ટાળવાની મંજૂરી આપતા કર્મચારી અને ભાગીદાર\/વપરાશકર્તા સંબંધોના માળખાને બદલવાનું હશે.<\/p>

પરંતુ આ દેશમાં કામદારોના અધિકારોમાં નોંધપાત્ર ફેરફારો લાવવા માટે  કેન્દ્ર સરકાર અને શ્રમ વિભાગે સામૂહિક સોદાબાજી કેવી રીતે કાર્ય કરે છે એ સમજવું જરૂરી છે. સાંભળવું એ એક વાત છે, તેને અમલમાં મૂકવું એ બીજી વાત છે – તે માટે તમારે અસરકારક સાધનોની જરૂર પડે છે. એગ્રીગેટર કંપનીઓ શક્તિશાળી હોય છે, અને તેમની સરખામણીમાં સરકાર નાની લાગે છે. તેઓ તેમનો ધંધો પાછો ખેંચી લેવાની ધમકી આપે છે. સવાલ એ છે કે સરકારને કંપનીની પડી છે કે પછી પોતાના નાગરિકોની આજીવિકાની.<\/p>

ટ્રાન્સલેશન ટૂલનો ઉપયોગ કરીને અંગ્રેજીમાંથી અનુવાદિત કરવામાં આવેલ આ લેખની સમીક્ષા અને તેનું સંપાદન મૈત્રેયી યાજ્ઞિક દ્વારા કરવામાં આવેલ છે અને મીત કાકડિયા દ્વારા તેની પુન: સમીક્ષા કરવામાં આવી છે.<\/em><\/p>

—<\/p>

વધુ જાણો<\/h3>