{"id":70999,"date":"2026-05-04T13:26:06","date_gmt":"2026-05-04T07:56:06","guid":{"rendered":"https:\/\/idronline.org\/article\/%primary_category_article%\/half-a-century-later-where-does-indias-gramdan-movement-stand-today\/"},"modified":"2026-05-04T13:26:08","modified_gmt":"2026-05-04T07:56:08","slug":"half-a-century-later-where-does-indias-gramdan-movement-stand-today","status":"publish","type":"article","link":"https:\/\/idronline.org\/mr-in\/article\/social-justice\/half-a-century-later-where-does-indias-gramdan-movement-stand-today\/","title":{"rendered":"\u0905\u0930\u094d\u0927\u094d\u092f\u093e \u0936\u0924\u0915\u093e\u0928\u0902\u0924\u0930, \u0906\u091c \u092d\u093e\u0930\u0924\u093e\u091a\u094d\u092f\u093e \u0917\u094d\u0930\u093e\u092e\u0926\u093e\u0928 \u091a\u0933\u0935\u0933\u0940\u091a\u0940 \u0915\u093e\u092f \u092a\u0930\u093f\u0938\u094d\u0925\u093f\u0924\u0940 \u0906\u0939\u0947?"},"content":{"rendered":"

भारतात आंध्र प्रदेश, बिहार, महाराष्ट्र, राजस्थान, तामिळनाडू, उत्तर प्रदेश आणि ओडिशा या सात राज्यांमध्ये विस्तारलेली अशी अंदाजे 3,660 ग्रामदान गावे आहेत<\/a>. त्यापैकी ओडिशामध्ये ही गावे सर्वाधिक (1,309) आहेत. ग्रामदान पद्धतीमध्ये संपूर्ण गाव आपली जमीन सामुहिक नावावर ठेवते. एकेकाळी सामुदायिक पातळीवर संसाधन व्यवस्थापनाच्या अधिकारांची समुदायांमध्ये वाटणी करण्यासाठी मोठी चळवळ उभी राहिली होती, मात्र, आज अनेक ग्रामदान गावे ही केवळ कागदावरच अस्तित्वात आहेत. झारखंड आणि बिहारमध्ये, 1,600 हून अधिक ग्रामदान गावे नोंदलेली आहेत, मात्र, त्यातील अनेक गावांनी ग्रामसभा घेणे बंद केले आहे आणि तरुण पिढ्यांना या व्यवस्थेची माहिती नाही.<\/p>

इतर काही प्रकरणांमध्ये, सरकारने ग्रामदानाची मान्यता काढून घेतली आहे. आसाममध्ये पूर्वी 312 अधिकृतपणे नोंदलेली ग्रामदानी गावे होती, परंतु राज्याने सप्टेंबर 2022 मध्ये कोणतीही सार्वजनिक चर्चा न करता ग्रामदान आणि भूदान कायदे रद्द केले<\/a>. आज भारतात ग्रामदाना सारख्या सामूहिक मालकीच्या संकल्पनेबद्दल जागरूकता आणि राजकीय आस्था कमी झाली आहे हे यावरून दिसून येते.<\/p>

भूदान चळवळ आणि ग्रामदानाची उत्पत्ती<\/h3>

1950 आणि 1960 च्या दशकात भूदान चळवळीतून ग्रामदानाची संकल्पना उदयास आली. पराग चोळकर यांचे ‘द अर्थ इज द लॉर्ड्स: सागा ऑफ भूदान-ग्रामदान चळवळ<\/a>‘ हे पुस्तक स्पष्ट करते की भूदान म्हणजे मोठे जमीनदार भूमिहीनांना जमीन दान करत होते, तर ग्रामदान म्हणजे संपूर्ण गाव एकत्रितपणे त्यांच्या जमिनीची मालकी ग्रामसभा किंवा ग्राम समितीसारख्या संस्थेकडे हस्तांतरित करायचे. या पद्धतीनुसार, बाहेरील लोक किंवा ग्रामदानी गावातील रहिवासी नसलेले लोक ही जमीन खरेदी करू शकत नव्हते, जमीन मालक त्यावर शेती करू शकत होते आणि फायदा मिळवू शकत होते.<\/p>

\"What<\/a><\/div>

1951 मध्ये भूदान ही संकल्पना उदयास आली, 1942 मध्ये भारत छोडो आंदालनात सक्रिय भूमिका असलेले विनोबा भावे हैदराबादजवळील पोचमपल्ली गावात घडलेल्या एका घटनेने प्रेरित झाले. तिथे एका जमीनदाराचा मुलगा रामचंद्र रेड्डी यांनी त्यांची जमीन भूमिहीनांना देऊ केली. याने प्रभावित होऊन विनोबा भावे यांनी भारतातील जमीन मालकांना त्यांच्या जमिनीचा वाटा भूमिहीनांना देण्याचे आवाहन केले, आणि अशा प्रकारे भूदान चळवळीची सुरुवात झाली.<\/p>

प्रवासादरम्यान , विनोबांनी पाहिले की गावे त्यांची संपूर्ण जमीन ग्रामसभेला देण्यास तयार आहेत. त्यांनी असे सुचवले की प्रत्येक व्यक्तीने त्यांच्या जमिनीचा वाटा दिलाच पाहिजे असे नाही तर त्यांनी त्यांच्या उत्पन्नाच्या 1\/40 एवढी रक्कम सामूहिक निधीत द्यावी, या निधीचा वापर भूमिहीन लोकांच्या आणि संपूर्ण गावाच्या कल्याणासाठी संसाधने एकत्रित करण्यासाठी करता येईल. ही संकल्पना विकसित झाली आणि ग्रामदान म्हणून ओळखली जाऊ लागली, जी महात्मा गांधींच्या ग्राम स्वराज कल्पनेचे प्रत्यक्षातले रूपांतर मानली जाते.<\/p>

2024 मध्ये, महाराष्ट्रातील गडचिरोली जिल्ह्यातील मेंढा-लेखा गावाने महाराष्ट्र ग्रामदान कायदा, 1964 अंतर्गत कायदेशीररित्या<\/a> स्वतःला ग्रामदानी गाव घोषित केले, जे दशकांपूर्वीच्या चळवळीचे ताजे उदाहरण बनले. <\/p>

\"green<\/source><\/source><\/source><\/picture><\/a>
कायद्याची तरतूद असली तरी पारदर्शकता, सक्रिय सहभाग आणि ग्रामसभा व्यवस्थेचे आकलन नसलेल्या समुदायासाठी त्या उपाययोजनांना फारसे महत्त्व राहत नाही. | छायाचित्र सौजन्य: विकिमीडिया कॉमन्स<\/a><\/figcaption><\/figure>

ग्रामदानी गावांसमोरील सद्ध्याची आव्हाने <\/h3>

ग्रामदान पद्धती अंतर्गत ग्रामसभा ही अंतिम आणि जिचे निर्णय बंधनकारक आहेत अशी संस्था असली तरी, गावपातळीवर निर्णय घेण्याच्या अधिकारांबाबत स्पष्टतेचा अभाव हे राज्य सरकार आणि समुदायांमधील संघर्षाचे कारण आहे.<\/p>

1. जमिनीच्या मालकी हक्कावरून वाद<\/h3>

ऐतिहासिकदृष्ट्या, ग्रामदान प्रणाली अनेक राज्यांमध्ये मोठ्या प्रमाणात स्वीकारली जात होती. उदाहरणार्थ, 1965 पर्यंत, जरी त्यावेळी राज्यात ग्रामदान मंडळ स्थापन झाले नसले तरी राजस्थानमधील एकूण 426 गावांनी ग्रामदान पद्धती स्वीकारली होती. 1960 च्या ग्रामदान कायद्याची जागा घेणारा नवीन राजस्थान ग्रामदान कायदा<\/a> 1971 मध्ये लागू करण्यात आला.<\/p>

\"donate<\/a><\/div>

1971 चा कायदा आजपर्यंत अस्तित्वात असला तरी, त्याची अंमलबजावणी होण्यात अनियमितता आहे. राजस्थान मध्ये डुंगरपूर जिल्ह्यातील अनेक ग्रामदानी गावांमध्ये, ग्रामसभांच्या प्रतिनिधींवर भ्रष्टाचाराचे आरोप झाले आहेत. काही प्रकरणांमध्ये, अधिकाऱ्यांनी बेकायदेशीरपणे जमिनीचे वाटप केले होते किंवा बाहेरील लोकांनी ग्रामदानी जमिनीचा ताबा घेतला होता. त्यानंतर, या व्यवस्थेतून बाहेर पडू इच्छिणाऱ्या गावातील लोकांनी ग्रामदानी हटाव संग्राम समितीची स्थापना केली<\/a> आणि आता जमिनीची मालकी परत मिळवण्यासाठी कायदेशीर लढाईत ते गुंतले आहेत.<\/p>

यावरून स्पष्ट होते की पारदर्शकता, सक्रिय सहभाग आणि ग्रामसभा व्यवस्थेची समज नसल्यास केवळ कायदेशीर किंवा घटनात्मक तरतुदी असणे एखाद्या समुदायासाठी फारसे अर्थपूर्ण ठरत नाही.<\/p>

2. सरकारी योजनांसोबत समन्वयाचा अभाव<\/h3>

महाराष्ट्रात, शेतकरी ग्रामदानला विरोध करत आहेत कारण त्यामुळे सरकारी योजनांचा लाभ मिळण्यात अडचणी येत आहेत. उदाहरणार्थ, 2022 मध्ये, जेव्हा अतिवृष्टी आणि पुरामुळे सोयाबीन पिकांचे मोठे नुकसान झाले, तेव्हा शेतकऱ्यांनी प्रधानमंत्री पीक विमा योजनेअंतर्गत मदत मागितली होती. मात्र, बहुतेक दावे नाकारण्यात आले होते<\/a>, विमा कंपन्यांनी असे म्हटले होते की जमिनी शेतकऱ्यांच्या नावावर नोंदलेल्या नसल्यामुळे त्या भरपाईसाठी पात्र नाहीत. या कंपन्यांनी या विमा योजनांमध्ये शेतकऱ्यांची नोंदणी करताना ही माहिती शेतकऱ्यांना दिली नव्हती. 6,000 रुपये प्रीमियम भरूनही, शेतकऱ्यांना कोणताही दिलासा मिळाला नाही.<\/p>

अल्प भूधारक आणि सीमांत शेतकऱ्यांना सहाय्य करणाऱ्या पंतप्रधान किसान सन्मान निधी योजनेबाबतही शेतकऱ्यांना अशाच समस्यांना तोंड द्यावे लागले आहे. जरी त्यांच्या जमिनीचा आकार प्रमाणित आकारापेक्षा कमी असला तरी, जमिनीची थेट मालकी नसल्यामुळे ते भरपाई मिळण्यासाठीचा दावा करू शकत नाहीत.<\/p>

या आव्हानांमुळे, महाराष्ट्रात कायदेशीर मान्यताप्राप्त फक्त 20 ग्रामदानी गावे उरली आहेत.<\/p>

3. ग्रामसभा त्यांचे हक्क बजावू शकत नाहीत<\/h3>

वेळोवेळी नवीन कायदे आणि सुधारणा लागू झाल्यामुळे ग्रामसभा कमकुवत झाल्या आहेत. उदाहरणार्थ, 1995 मध्ये, राजस्थानच्या 1971 च्या ग्रामदान कायद्यात कलम 43 काढून टाकण्यासाठी बदल करण्यात आला<\/a>, ज्याद्वारे ग्रामसभेला पंचायतीप्रमाणेच काम करण्याचा अधिकार देण्यात आला होता. परिणामी, सध्याच्या परिस्थितीत, जर ग्रामदानी गावात ग्रामपंचायतीचा सरपंच समुदायाच्या बाजूने उभा राहिला नाही, तर त्या गावाचा विकास थांबतो. कलम 43 काढून टाकल्यापासून, राजस्थानमधील नोंदणीकृत ग्रामदानी गावांची संख्या कमी होत आहे.<\/p>

याव्यतिरिक्त, जरी सरकार ग्रामदानाचा भाग असलेल्या जमीनीचे थेट अधिग्रहण करू शकत नसले तरी, प्रत्यक्षात, अनेक गावांमधील ग्रामसभा त्यांचे हक्क योग्यरित्या बजावू आणि वापरू शकत नाहीत. 2014 मध्ये, विदर्भ भूदान-ग्रामदान सहयोग समिती, नागपूर यांनी पश्चिम आसाममधील बोको आणि कामरूप जिल्ह्यांमध्ये केलेल्या अभ्यासात असे आढळून आले की सहा ग्रामदानी गावांमधील पंचायतींकडे अधिकारांचा अभाव होता, ज्यामुळे गावांच्या विकासावर त्याचा प्रतिकूल परिणाम झाला.<\/p>

शिवाय, ग्रामसभांना निर्णय घेण्याचा अधिकार देणारे इतर कायदे, जसे की पंचायत (अनुसूचित क्षेत्रांचा विस्तार) कायदा किंवा पेसा<\/a>, अनेक राज्यांमध्ये पूर्णपणे अंमलात आणलेले नाहीत, ज्यामुळे ग्रामदानी गावांना मिळालेल्या कायदेशीर संरक्षणाचे उल्लंघन झाले आहे. अनुसूचित नसलेल्या भागात, ग्रामदानाला अजूनही कायदेशीर मान्यता नाही, परिणामी ग्रामसभांनी घेतलेले निर्णय अनेकदा प्रशासकीय आदेशांद्वारे रद्द केले जातात.<\/p>

\"a<\/source><\/source><\/source><\/picture>
अनुसूचित क्षेत्रांबाहेर ग्रामदानाला अद्याप कायदेशीर मान्यता मिळालेली नाही. | छायाचित्र सौजन्य: पूजा राठी<\/figcaption><\/figure>

यशस्वी मॉडेल्स अस्तित्वात आहेत<\/h3>

ही आव्हाने असली तरी, काही गावे अशी आहेत जी ग्रामदानाचे काम चांगल्या प्रकारे करत आहेत, त्यापैकी प्रमुख म्हणजे मेंढा-लेखा. गेल्या दशकभरापासून, येथे ग्रामसभेने ‘अभ्यास मंडळ<\/a>‘ नावाची शिकण्याची आणि प्रत्यक्ष कृतीची एक पद्धत विकसित केली आहे. यात गावातील सर्व प्रौढ व्यक्ती एकत्र बसून सामुहिक पद्धतीने सामाईक प्रश्नांवर चर्चा करून त्यांचे निराकरण करण्याचा प्रयत्न करतात.<\/p>

2013 पर्यंत, सर्वांच्या संमतीने, गावाने आपली सर्व शेतीची जमीन ग्रामसभेच्या नियंत्रणाखाली हस्तांतरित केली होती – या जमिनींच्या मालकीचे बाह्य किंवा खाजगी हितसंबंधांपासून संरक्षण केले होते. तेव्हापासून, ग्रामसभेने महाराष्ट्र ग्रामदान कायदा, 1964 च्या संबंधित कायदेशीर तरतुदींची अंमलबजावणी करण्याची मागणी करण्यासाठी एक औपचारिक प्रक्रिया देखील सुरू केली आहे.<\/p>

राजस्थानमधील सीड गाव देखील या दिशेने सातत्याने प्रयत्न करत आहे. कायदेशीररित्या ग्रामदान कायद्याच्या कक्षेत नसले तरी, ग्रामसभेने पाणी, जंगले आणि गायराने <\/em>किंवा चराई यासारख्या सामायिक संसाधनांचे व्यवस्थापन करण्यात सक्रिय भूमिका बजावली आहे. यावरून असे दिसून येते की औपचारिक ग्रामदान कायदा नसतानाही, गावातील परंपरा जिवंत ठेवून सामूहिक मालकी कायम ठेवता येते आणि टिकवता येते. ग्रामसभेची स्वीकृती आणि सक्रिय सहभाग यासाठी महत्त्वाचा आहे.<\/p>

मात्र, शहरीकरण, रस्त्यांचा विस्तार आणि इतर पायाभूत सुविधांचे प्रकल्प, हवामान आणि पर्यावरणीय आपत्ती आणि घटते पीक उत्पादन या घटकांमुळे ग्रामीण आणि शेतकरी समुदायांसमोर खरी आव्हाने निर्माण झाली आहेत. याव्यतिरिक्त, कायदेशीर अडथळे आणि सार्वजनिक धोरणांमधील तफावत यामुळे ग्रामदानाच्या सामूहिक भावनेला आणि पद्धतीला कमकुवत केले जाते. यामुळे वेगवेगळ्या मार्गांनी या पद्धतीला पुनरुज्जीवित करण्यासाठी काम करणे आवश्यक आहे.<\/p>

\"an<\/source><\/source><\/source><\/picture>
रस्ता रूंदीकरण आणि इतर बांधकाम सुविधांच्या प्रकल्पांच्या दबावांमुळे ग्रामीण आणि शेतकरी समुदायांसमोर खरी आव्हाने निर्माण झाली आहेत. | छायाचित्र सौजन्य: पूजा राठी<\/figcaption><\/figure>

ग्रामदान व्यवस्था कशी टिकू शकते?<\/h3>

समुदायांना त्यांच्या जमिनीवर सामूहिकरित्या नियंत्रण स्थापित करण्यासाठी सक्षम बनवण्यात ग्रामदानाची ताकद लक्षात घेतली पाहिजे. ग्राम-स्तरीय निर्णय प्रक्रिया आणि व्यवस्था मजबूत करण्यासाठी प्रशासनाकडून, कायदेशीर आणि प्रत्यक्षात काही पावले उचलली जाऊ शकतात.<\/p>